امپائر پاکستان کے ساتھ ہے۔ وفاقی وزیرداخلہ شیخ رشید

 

وفاقی وزیرداخلہ شیخ رشید نے میڈیا سے بات کرتے ہوئے کہا کہ 23 سے 30 مارچ تک کا ہفتہ بہت اہم ہے جوڈو کراٹے کی سیاست ہو گی۔

شیخ رشید نے میڈیا سے بات کرتے ہوئے کہا کہ فضل الرحمان ایک عالم دین ہیں انکو اس بات کو سمجھنا چاہیے کہ اس ملک میں مولا جٹ والی سیاست نہیں ہو گی، انکو صاف نظر آرہا ہے کہ اپوزیشن 172 ارکان پورے نہیں کر سکتی اس لیے 23 مارچ کو لانگ مارچ کا کہ رہے ہیں اسی دن او آئی سی کا اجلاس ہونے جا رہا ہے اور چین کا وزیرداخلہ بھی آ رہا ہے، فضل الرحمان کو ڈنڈے کی سیاست نہیں کرنے دیں گے انکو روکنا مجھے اچھی طرح آتا ہے۔

شیخ رشید نے مزید کہا کہ ہزار رینجر اور ہزار ایف سی کے اہلکار بلا رہے ہیں انکی ڈیوٹیاں لگائی جائیں گی تاکہ ملک میں انارکی نہ پھیلے، ہم کسی کو اجازت نہیں دیں گے کہ ملک میں فساد پربا کرے۔

گورنر سندھ عمران اسماعیل کی میڈیا سے بات چیت۔۔۔ مزید جاننے کے لیے یہاں کلک کریں

میڈیا کے سوالوں کے جواب دیتے ہوئے شیخ رشید احمد نے کہا کہ ق لیگ کو کہوں گا کہ کپتان کا ساتھ دیں 4 سال گزر گئے ہیں بس ایک سال رہ گیا ہے۔

شیخ رشید نے مزید کہا کہ اتحادی سارے عمران خان کی طرف ہی رہیں گے تحریک عدم اعتماد بری طرح ناکام ہو گی۔

حکومت 27 مارچ کو سب سے بڑا جلسہ کرنے جا رہی ہے جس سے سب کو اندازہ ہو جائے گا کہ عوام عمران خان کو کتنا چاہتی ہے، عمران خان کو یہ جلسہ ایک ماہ پہلے ہی کر لینا چاہیے تھا۔ 

شیخ رشید نے مزید بات کرتے ہوئے کہا کہ ہمارے اتحادی سکون سے مزے کر رہے ہیں انکی بولیاں لگ رہی ہیں، لیکن ان شاء اللہ ساری اتحادی عمران خان کے ساتھ رہیں گے، اگر ملک میں انارکی پھیلانے کی کوشش کی گئی تو دما دم مست قلندر ہو گا کیونکہ مختارے آ گل ودھ گئی ہے

ایک سوال کے جواب میں شیخ رشید نے کہا کہ امپائر پاکستان کے ساتھ ہے اور صرف پاکستان کی بہتری چاہتا ہے اس لیے ملک میں انارکی نہ پھیلائی جائے۔