ہمارے نمبرز پورے ہیں۔ گورنر سندھ

 

گزشتہ روز گورنر سندھ عمران اسماعیل ایم کیو ایم کے دفتر بہادر آباد پہنچ گئے۔

اتوار کے دن گورنر سندھ عمران اسماعیل ایم کیو ایم کے دفتر بہادر آباد پہنچے جہاں انکا استقبال کیا گیا ، عمران اسماعیل نے عمران خان کا پیغام پہنچایا اور تحریک عدم اعتماد کو ناکام بنانے کے لیے تعاون مانگ لیا۔

ایم کیو ایم سیاست کا محوِ مرکز بن گئی، اپوزیشن اور حکومت کے ایم کیو ایم سے رابطے تیز ہوگئے، حکومت کی طرف سے گورنر سندھ عمران اسماعیل ایم کیو ایم کو بہادرآباد کے دفتر پہنچے اور ایم کیو ایم سے تحریک عدم اعتماد پر تعاون مانگ لیا اور عمران خان کا پیغام پہنچایا۔ ایم کیو ایم کے خالد مقبول صدیقی اور گورنر سندھ نے میڈیا سے بات کی، گونر سندھ عمران اسماعیل نے کہا کہ ہمارے نمبرز پورے ہیں اور اگر ہمارے اتحادی ہمارا ساتھ دیں تو ہمیں کسی تیسرے کے پاس جانے کی ضرورت ہی نہیں، اپوزیشن 172 ارکان لائے گی تبھی وہ کامیاب ہو گی لیکن وہ اپنے 160 ارکان بھی پورے نہیں کر پائے گی ہمارے باقی اتحادی بھی ہمارے ساتھ ہیں، ایم کیو ایم کے تحفظات اپنی جگہ ٹھیک ہیں اور ان کو وزیراعظم عمران خان تک پہنچا دیا جائے گا۔ 

یورپ والے بوٹ پالش کرنے والوں کو حقارت کی نگاہ سے دیکھتے ہیں۔ عمران خان۔۔ مزید جاننے کے لیے یہاں کلک کریں

ایم کیو ایم کی طرف سے خالد مقبول صدیقی نے کہا کہ ابھی کچھ نہیں کہہ رہے کہ ہم کس طرف جا رہے ہیں، اپوزیشن سے ملاقاتیں بھی جاری ہیں اور جاری رہیں گی، ہمارے مطالبات ہم نے بتا دیے ہیں اب دیکھنا ہے ہمارے مطالبات کہاں تک مانے جائیں گے، ق لیگ کے بارے میں بات کرتے ہوئے کہا کہ ق لیگ نے اپنا فیصلہ کرنا ہے اور ہم نے اپنا فیصلہ کرنا ہے۔

یاد رہے کہ اپوزیشن کی طرف سے تحریک عدم اعتماد جمع کروانے کے بعد اپوزیشن اور حکومت اتحادیوں سے رابطے میں ہیں اس وقت ملک میں سیاسی جوڑتوڑ عروج پر ہے، اپوزیشن اتحادیوں کو توڑنے کی کوشش میں لگی ہوئی ہے اور حکومت اپنی کرسی بچانے کے لیے پوری کوشش میں لگ گئی ہے