عمران خان کو چھوڑنے والے کو بیغیرت سمجھتا ہوں۔ ناراض رکن احمد حسین دیہڑ

 

پی ٹی آئی کے منحرف رکن قومی اسمبلی احمد حسیں دیہڑ نے کہا کہ مجھے کچھ ناراضگیاں ضرور ہیں لیکن میں عمران خان کو چھوڑ نہیں سکتا بلکہ جو عمران خان کو چھوڑے میں اسکو بیغیرت سمجھتا ہوں، میں سیاست تو چھوڑ سکتا ہوں لیکن عمران خان کو کبھی نہیں چھوڑ سکتا، ایک تو میرے مطالبے نہیں پورے کیے گئے اوپر سے دھوکے بازی کا الزام لگایا جا رہا ہے، میں تو عمران خان کو ارتغرل سمجھتا ہوں۔

احمد حسین دیہڑ نے کہا کہ میں پیسے لینے والا نہیں ہوں بلکہ دینے والا ہوں میں 1122 کے لیے 40 کروڑ کی زمین حکومت کو دی ہے میں کیسے پیسے لے سکتا ہوں۔

عمران خان سے کہتا ہوں لوگوں کی پہچان کریں کون آپ کے ساتھ ہے اور کون دھوکا دے رہا ہے۔

احمد حسین دیہڑ نے کہا کہ اپوزیشن اچھی طرح جانتی ہے کہ جب بھی مشکل وقت آتا ہے میں عمران خان کے ساتھ کھڑا ہو جاتا ہوں، میں عدم اعتماد کی ووٹنگ والے دن اسمبلی میں نہیں جاؤں گا اور نہ ہی پچھلے 3 ماہ سے اسمبلی گیا ہوں، پی ٹی آئی میں ہی کچھ لوگ ہیں جو نہیں چاہتے کہ میں پی ٹی آئی میں رہوں۔

میں نہ تو اپوزیشن سے ملا ہوں اور نہ ہی سندھ ہاؤس میں گیا ہوں