نمایاں پوسٹ
کسی بھی صورت استعفٰی نہیں دوں گا۔ وزیراعظم عمران خان
- لنک حاصل کریں
- ای میل
- دیگر ایپس
وزیراعظم عمران خان نے صحافیوں سے بات کرتے ہوئے کہا کہ وہ کسی بھی صورت استعفٰی نہیں دیں گے، اپوزیشن میں سب چور بیٹھے ہیں اور ان چوروں کے کہنے پر استعفٰی نہیں دوں گا، ن لیگ کی سیاست چوری بچانے والی سیاست ہے ان چوروں کو کسی بھی صورت این آر او نہیں ملے گا، مارشل لاء سے بھی بڑا جرم این آر او دینا ہے جو ان کو کسی صورت نہیں ملے گا۔
عمران خان کا مزید کہنا تھا کہ ابھی تو کھیل شروع ہوا ہے اور وہ کھیل شروع ہونے سے پہلے کیسے ہار مان لیں ابھی تو لڑنا ہے آخری گیند تک کھیلنا ہے اور اپوزیشن کی تحریک عدم اعتماد کو ناکام بنانا ہے، 27 مارچ کا جلسہ ملکی تاریخ میں بڑا بدلاؤ لائے گا اس کے بعد اپوزیشن کی سیاست ہمیشہ کے لیے ختم ہو جائے گی۔
عمران خان نے ٹرمپ کارڈ سے متعلق سوال کے جواب میں کہا کہ ان کے پاس ٹرمپ کارڈ ہیں جو تحریک عدم اعتماد کے ووٹنگ والے دن یا اس سے ایک رات پہلے ظاہر کریں گے، اپوزیشن پہلے ہی اپنے کارڈ شو کر چکی ہے۔
عمران خان نے کہا کہ ان کی نیوٹرل والی بات کو غلط انداز میں پیش کیا گیا ہے وہ فوج کے متعلق بالکل نہیں تھی، ان کے فوج کے ساتھ تعلقات پہلے کی طرح مضبوط ہیں، انہوں نے کہا کہ فوج کے بارے میں غلط رائے نہ رکھی جائے اگر فوج نہ ہوتی تو ملک 3 ٹکڑے ہو گیا ہوتا۔
عمران خان کا کہنا تھا کہ 27 مارچ تک اتحادی بھی واپس آ جائیں گے اور اپوزیشن خود ہی اس تحریک کو ناکام بنا دے گی کیونکہ اپوزیشن ایک دوسرے کے ساتھ مخلص نہیں۔
عمران خان نے کہا کہ چوہدری نثار انکے کلاس فیلو ہیں اور بہت ہی پرانے دوست ہیں ان سے ملاقات ہوتی رہتی ہیں وہ جلد ہی اپنی سیاست کے بارے میں اعلان کریں گے۔
شہباز شریف سے متعلق سوال کے جواب میں کہا کہ وہ شہباز شریف کے ساتھ کسی صورت نہیں بیٹھیں گے کیونکہ وہ چور ہے اور چور کے ساتھ کوئی بات نہیں ہو گی۔
عثمان بزدار کی تبدیلی کے سوال پر ہنس دیے اور آرمی چیف کی تبدیلی پر بھی کہکہا لگایا اور کہا کہ ہم پراعتماد ہیں حکومت کہیں نہیں جا رہی۔
- لنک حاصل کریں
- ای میل
- دیگر ایپس
تبصرے
ایک تبصرہ شائع کریں