عبدالعلیم خان کا جہانگیر ترین گروپ میں شامل ہونے کا فیصلہ

لاہور: عبدالعلیم خان نے جہانگیر ترین گروپ میں شامل ہونے کی ٹھان لی۔

پی ٹی آئی رہمنما علیم خان آج جہانگیر ترین کی رہائش گاہ پر عشائیے میں شرکت کریں گے اور جہانگیر ترین گروپ میں شمولیت کا باقاعدہ اعلان کریں گے۔

تفصیلات کے مطابق تحریک عدم اعتماد لانے کی کوشش میں تمام جماعتیں پوری کوشش کر رہی ہیں، اتحادی بھی ناراض نظر آ رہے ہیں۔ اپوزیش اتحادیوں کے ساتھ بھی بھرپور رابطے کر رہی ہے اور آزاد اراکین کی قدر میں بھی اضافہ ہو گیا ہے۔ 

پی ٹی آئی جہانگیر ترین گروپ نے آج جہانگیر ترین کی رہائش گاہ پر اہم اجلاس طلب کر رکھا ہے جہاں ایک عشائیہ بھی دیا جائے گا۔ اس اجلاس میں علیم خان بھی شرکت کریں گے، اور جہانگیر ترین وڈیو لنک کے ذریعے اجلاس میں شرکت کریں گے۔ 

ذرائع کے مطابق اسی اجلاس میں علیم خان ترین گروپ میں شرکت کا باقاعدہ اعلان کریں گے۔ اور جلد ہی اپنے دوست اراکین کو ترین گروپ میں شریک کر لیں گے۔ 

اس اجلاس میں اس بات پر غور کیا جائے گا کہ تحریک عدم اعتماد پر ترین گروپ کیا فیصلہ کرے گی۔ جبکہ اجلاس میں مرکز اور پنجاب میں سیاسی صورتحال پر بھی فیصلہ کیا جائے گا۔ یہ اجلاس اس معاملے کے لیے بہت اہم ہے۔ کیونکہ ن لیگ بھی ترین گروپ سے رابطے میں ہے۔

ہم کسی کی جنگ کا حصہ نہیں بنیں گے۔ عمران خان

علیم خان سے ملاقات کے لیے 4 وزراء علیم خان کے گھر پہنچ گئے ہیں۔ کہا جا رہا ہے کہ علیم خان جلد ہی انکو لے کر جہانگیر ترین کے رہائش گاہ پر پہنچیں گے۔ اس بات سے ثابت ہوتا ہے کہ پنجاب کی سیاسی صورتحال میں گرما گرمی دیکھنے کو مل رہی ہے۔ 

کہا جا رہا ہے کہ یہ گروپ مسلم لیگ ن کا بنایا ہوا ہے، کیونکہ علیم خان کا رانا ثناءاللہ سے گہرے تعلقات ہیں۔