کارکنوں کی ضیاءالحق کی قبر پر نعرے بازی پارٹی پالیسی نہیں۔ ترجمان بلاول زرداری

بلاول زرداری عوامی لانگ مارچ کرتے ہوئے گزشتہ روز اسلام ڈی چوک پہنچے، کارکنوں نے والہانہ استقبال کیا اور حکومت کے خلاف خوب برسے، وہیں کچھ کارکنان جنرل ضیاءالحق مرحوم کی قبر پر پہنچ گئے اور وہاں بھٹو کے حق میں خوب نعرے بازی کی اور ضیاءالحق کو برا بھلا کہا۔ اس بات کے میڈیا پر آنے کے بعد ضیاءالحق کے بیٹے اعجازالحق نے پی پی سے معافی مانگنے کا مطالبہ کیا اور کہا کہ یہ ایک شرمناک فعل ہے۔ جس پر بلاول زرداری کے ترجمان بھی میدان میں آگئے، انہوں نے کہا کہ ایسی نعرے بازی پارٹی کا منشور نہیں اور نہ ہی کسی کو اجازت ہے کہ ایسی نعرے بازی کریں۔ 

روس نے اپنے دشمن ممالک کی فہرست جاری کر دی۔ جاننے کے لیے یہاں کلک کریں۔

انہوں نے مزید کہا کہ پارٹی کسی کو ایسا کام کرنے کی اجازت نہیں دیتی، نعرے بازی کرنے والے چند لوگ تھے پیپلزپارٹی ایسے رویوں کی کبھی حوصلہ افزائی نہیں کرے گی۔ یہ ایک غیراخلاقی واقعہ ہے جس کا پارٹی کے منشور سے کوئی تعلق نہیں