وفاقی وزیر مملکت فرخ حبیب کی اپوزیش پر کڑی تنقید

 

وفاقی وزیرِ مملکت فرخ حبیب نے نجی ٹی وی چینل پر بات کرتے ہوئے کہا کہ حکومتی اتحادی عمران خان کے ساتھ ہیں۔ اور اس سے پہلے بھی وزیراعظم نے اتحاد کا ووٹ لینے کا فیصلہ خود کیا تھا۔

 فرخ حبیب نے مزید بات کرتے ہوئے کہا کہ اپوزیشن والوں کو عدم اتحاد پر خود اعتماد نہیں رہا۔ بلاول بھٹو کہہ رہے ہیں عمران خان استعفٰی دے دیں۔ بلاول کس بات کا لانگ مارچ نکال رہے ہیں۔ جبکہ پچھلے 13 سال سے سندھ میں پیپلزپارٹی کی حکومت ہے۔ آج تک لاڑکانہ والوں کو پینے کا صاف پانی نہیں ملا۔ آج عمران خان کی حکومت سندھ میں کے فور پر کام کر رہی ہے۔ کے فور منصوبہ 2023 میں مکمل ہو جائے گا۔ 

 وفاقی وزیر نے کہا کہ ن لیگ اور پیپلزپارٹی والے آج تک جہانگیر خان پر الزامات لگاتے رہے ہیں آج ان کے بارے میں چپ ہیں۔ جنہوں نے پیٹ پھاڑ کر پیسے نکالنے تھے آج وہ بغل گیر ہو رہے ہیں۔ 

 جو لوگ عدم اعتماد کی بات کر رہے ہیں وہ شاید عدم اعتماد کو مذاق سمجھ رہے ہیں۔ 

 پیلپز پارٹی کے سندھ میں گندم کو چوہے کھا جاتے ہیں۔ کرپشن حد سے زیادہ ہے۔ پیپلزپارٹی نے جو پروگرام بے نظیر کے نام سے شروع کیا تھا اس میں سے بھی کرپشن ختم نہیں کر سکی تھی۔ ہم نے آ کر 8 لاکھ لوگوں کو آ کر نکالا۔ 

 وفاقی وزیر نے وزیرِاعظم کے دورہ روس پر بات کرتے ہوئے کہا کہ وزیراعظم روس گئے جہاں 3 گھنٹے تک روسی صدر سے ملاقات ہوئی جہاں توانائی اور گیس کے حوالے سے بات ہوئی۔ یہ سب ملک مفاد کے لیے ہے۔ کیونکہ ہم نے آگے بڑھنا ہے۔

 وفاقی وزیر نے شہباز شریف کے بارے میں بات کرتے ہوئے کہا کہ یہ لوگ آج تک جواب نہیں دے سکے کہ ان کے چپڑاسیوں کے اکاؤنٹ میں پیسے کہاں سے آئے۔ ن لیگ والے یہ تک نہیں بتا سکے کہ لندن فلیٹ کے لیے پیسے کہاں سے آئے۔ مزید بات کرتے ہوئے کہا کہ ابھی تک عمران خان کا قوم سے خطاب کے وقت کا تعین نہیں ہوا۔