نمایاں پوسٹ
تحریک انصاف کے کارکنان کا سندھ ہاؤس پر دھاوا
- لنک حاصل کریں
- ای میل
- دیگر ایپس
اسلام آباد: پی ٹی آئی کے کارکنان کا سندھ ہاؤس پر دھاوا
کارکنان کی بڑی تعداد سندھ ہاؤس کے گیٹ کو توڑ کر اندر داخل ہو گئی، تحریک انصاف کے کارکنان گیٹ توڑ کر اندر گھس گئے، تحریک انصاف کے کارکنان کی بڑی تعداد سندھ ہاؤس کے اندر داخل ہو کر لوٹا لوٹا کے نعرے۔
دوسری جانب سندھ ہاؤس کے اندر موجود سندھ پولیس مکمل ناکام ہو چکی ہے کہ وہ ان کارکنان کو روک پائے، سندھ پولیس نے اندر بیریئر لگا رکھے تھے تو کارکنان کی جانب سے ہٹا دیے گئے، پی ٹی آئی کے کارکنان نے دروازہ توڑ دیا اور کہا کہ جو منحرف ارکان اندر موجود ہیں انکو باہر نکالا جائے انکو شرم آنی چاہیے جو عمران خان کے ووٹ پر ضمیر فروشی کر رہے ہیں، تحریک انصاف کے کارکنان میں منحرف ارکان کی وجہ سے غم وغصہ پایا جا رہا ہے۔
میڈیا سے بات کرتے ہوئے پی ٹی آئی ایم این اے امین فہیم نے کہا کہ ہم یہاں امن و امان سے آئے تھے اور سندھ پولیس سے کہا کہ ہمیں اندر جانے دیں ہم نے منحرف ارکان سے ملنا ہے لیکن سندھ پولیس نے بدتمیزی کی جس وجہ سے یہ سب واقعہ پیش آیا، انہوں نے مزید کہا کہ اپنی غیرت کو زندہ کر لیں ورنہ باہر نکال کر انکو ماریں گے۔
یاد رہے کہ پی ٹی آئی کے 12منحرف ایم این ایز سندھ ہاؤس میں بیٹھے ہیں اور کل سامنے آئے تھے انہوں نے حکومت مخالف ووٹ ڈالنے کا کہا تھا، اس پر پی ٹی آئی میں کافی غم و غصہ پایا جا رہا ہے۔
فی الحال کی صورتحال کے مطابق سندھ ہاؤس کے اندر کوئی منحرف ارکان موجود نہیں انکو خطرے کے پیش نظر اپوزیشن کی جانب سے نکال لیا گیا۔
اسلام آباد پولیس موقع پر پہنچ گئی اور اس صورتحال پر قابو پانے کی کوشش کر رہی ہے۔
جے یو آئی کے ترجمان نے بھی تصدیق کر دی کہ جے یو آئی ف کے کارکنان بھی پہنچ گئے جو یہ کہ رہے ہیں کہ ہم تحریک انصاف کے کارکنان کا ڈٹ کر مقابلہ کریں گے
- لنک حاصل کریں
- ای میل
- دیگر ایپس
تبصرے
ایک تبصرہ شائع کریں