وزیراعلٰی ہنجاب کو تبدیل کرنے کی خبر میں کوئی صداقت نہیں۔ معاون خصوصی وزیراعظم علی نواز اعوان

 

معاون خصوصی وزیراعظم علی نواز اعوان نے کہا کہ وزیراعلٰی پنجاب کو تبدیل کرنے کی خبر میں کوئی صداقت نہیں۔

علی نواز اعوان سے 92 نیوز کے پروگرام ٹونائٹ ایڈیشن میں جب سوال کیا گیا کہ عثمان بزدار کو ہٹانے کی تیاری ہو چکی ہے تو انہوں نے کہا کہ اس خبر میں سچائی نہیں۔

مسلم لیگ ن کا دعوٰی جھوٹا ثابت ہوا۔ جاننے کے لیے یہاں کلک کریں

92 نیوز کے پروگرام ٹونائٹ ایڈیشن کی اینکر پرسن شازیہ ذیشان نے معاون خصوصی علی نواز اعوان سے عثمان بزدار کو ہٹانے پر سوال کیا تو علی نواز اعوان نے کہا کہ اس خبر میں کوئی صداقت نہیں، آج بھی وزیراعظم عمران خان سے ملاقات ہوئی ہے لیکن اس معاملے پر کوئی بھی بات نہیں ہوئی، لیکن انہوں نے عثمان بزدار کو ہٹانے کی کوئی بات نہیں کی یہ سب میڈیاپر چلنے والی خبریں ہیں ان میں کوئی صداقت نہیں۔

یاد رہے کہ 2 دن پہلے وفاقی وزراء اس بات کی تصدیق کر چکے ہیں کہ عثمان بزدار کو ہٹانے کا عندیہ وزیراعظم نے دے دیا ہے اور ایک کمیٹی تشکیل دی ہے جو نئے وزیراعلٰی کے نام کا انتخاب کرے گی، نئے وزیراعلٰی کے لیے علیم خان اور پرویزالٰہی کے ناموں پر غور کیا جا رہا ہے لیکن اب معاون خصوصی وزیراعظم علی نواز اعوان نے اس بات کی مکمل تردید کی ہے کہ وزیراعلٰی پنجاب کو تبدیل کیا جا رہا ہے