درجہ اول گھی کی قیمت میں 20 روپے کلو تک اضافہ

مہنگائی زور پکڑنے لگی۔

 لاہور: پرچون بازاروں میں گھی کے دام حکومتی کنٹرول سے باہر ہو گئے، درجہ اول گھی 20 روپے کلو تک مہنگا کر دیا گیا۔ مختلف کمپنیوں کا درجہ اول گھی جو پہلے 450 روپے کلو میں مل رہا تھا مہنگا کر کے 470 روپے کلو تک کر دیا گیا۔ کمپنیوں کی جانب سے دکانداروں کو نئی سپلائی نئی قیمتوں کیساتھ دینے کا عندیہ دیا گیا۔ خریداروں نے گھی کی مسلسل بڑھتی قیمتوں پر سر پکڑ لیے۔ شہریوں کا کہنا ہے کہ حکومت نے پٹرول سستا کیا تو گھی مہنگا ہونا شروع ہو گیا۔ 

گھی مینو فیکچررز کا کہنا ہے کہ عالمی منڈی میں پام آئل 550 ڈالرز سے مہنگا ہو کر 1700 ڈالرز فی میٹرک ٹن سے تجاوز کر چکا ہے۔

عوام پہلے ہی مہنگائی کی چکی میں پس رہی ہے اوپر سے جس کا جو دل کرتا ہے مہنگا کر دیتا ہے، غریب کی قوت خرید جواب دیتی جا رہی ہے۔ 

غریب عوام ابھی سے پریشان دکھائی دے رہی ہے کہ آگے رمضان شریف آ رہا ہے اگر مہنگائی اسی طرح بڑھتی رہی تو غریب کے لیے جینا مشکل ہو جائے گا