وزیراعظم عمران خان نے پٹرول' ڈیزل اور بجلی کی قیمتیں کم کر دیں۔

 وزیراعظم عمران خان نے قوم سے خطاب کرتے ہوئے بڑے پیکجز کا اعلان کرتے ہوئے پٹرول اور ڈیزل میں 10 روپے کمی کا اعلان کرتے ہوئے کہا کہ قیمتیں آنے والے بجٹ تک برقرار رہیں گی۔ بجلی 5 روپے سستی کر دی گئی۔

 یاد رہے کہ اوگرا نے پٹرول 10 روپے مہنگا کرنے کی سمری پیش کی تھی۔

 وزیراعظم عمران خان نے کہا کہ احساس پروگرام کی رقم 12 ہزار سے بڑھا کر 14 ہزار کر دی گئی ہے۔ 

 احساس پروگرام کے تحت حکومت 2 سال میں 407 ارب کے رعائتی قرضے دے گی

 26 لاکھ ساکلر شپ کا اعلان بھی کیا جس پر 38 ارب خرچ ہوں گے۔

 بے روز گار افراد کو 30 ہزار انٹرشپ ملیں گی۔

 عمران خان کا مزید کہنا تھا کہ آئی سیکٹر میں فری لانسر اور آئی ٹی کمپنیوں کو ٹیکس میں 100 فیصد چھوٹ دی جائے گی۔

 اوور سیز پاکستانیوں کو پاکستان میں کاروبار کرنے پر 5 سال تک ٹیکس چھوٹ ہو گی۔ 

 وزیراعظم عمران خان نے پیکا قانون کے بارے میں بات کرتے ہوئے بتایا کہ اس سے میڈیا کو کوئی خطرہ نہیں۔ قانون پر چلنے والے قانون سے نہیں ڈرتے۔پیکا قانون سوشل میڈیا پر آنے والے گند کے خلاف ہے۔ 

 عمران خان نے کہا کہ 70 فیصد خبریں ہمارے خلاف چلائی جاتی رہی ہیں۔ 

 وزیراعظم کے بارے میں غلط بولا جاتا ہے۔ وزیراعظم کو 3 سال تک انصاف نہیں ملتا تو عام آدمی کا کیا ہوتا ہوگا۔

 جنگ جیو گروپ کے بارے میں بات کرتے ہوئے کہا کہ جیو جنگ کے خلاف لندن اور امریکہ میں کیس کرنے جا رہے ہیں۔ 

 جیو جنگ گروپ نے کہا کہ شوکت خانم کے پیسے پی ٹی آٹی میں لگا دیے جاتے ہیں۔ شوکت خانم جیو جنگ پر کیس کرنے جا رہا ہے۔ 

 ایک صحافی نے 3 سال پہلے کہا تھا کہ خاتون نے گھر چھوڑ دیا ہے۔ اس طرح کی جھوٹی خبریں پاکستان میں عام چلائی جاتی ہیں اور کوئی پوچھتا تک نہیں۔ اس طرح کی خبریں لندن میں چلائی جاتی تو اخبار ہی بند کر دیا جاتا۔ 

 عمران خان نے دورہِ روس کے بارے میں بات کرتے ہوئے بتایا کہ یہ دورہ ملکی مفاد کے لیے تھا۔ روس سے 20 لاکھ ٹن گندم اور گیس پر بات کرنے گیا تھا۔ 

 ہمیشہ سے خواہش تھی کہ خارجہ پالیسی آزاد ہو۔ 

 وزیراعظم عمران خان نے مزید کہا کہ قوم کو کہا ہے کہ اسی کو ووٹ دیں جس کی جائیداد پاکستان سے باہر نہ ہو۔ کیونکہ جس کی جائیداد اور کاروبار ملک سے باہر ہو وہ ملک سے وفادار نہیں ہو سکتا۔